HNAM MAWL ? (CHAPCHAR KUT PUAL )

By -

Kan pi leh pu te kha hnam bal leh mawl tak  niin an sawi thin a. Chu chu naupang te kan nih lai atanga kan beng a ri thin leh ziak a chhiar tur kan hmuh thenkhata inziak dan a ni.

Kan pi leh pu te kha khati taka mawl kha an ni em? Enge 'mawl' chu?

Industrial revolution an tih mai atan a thil pawimawh thil inchuktuahkhawmin a thuai vir 'spinning jenny' chu khawthlang mingo sana siam thin pakhatin a chuktuah khawm hma khan 'herawt'  leh 'hmui'  an lo nei tawh a...

Kan pi leh pu te khan ziak a thil vawnthat nachang an hriat hma kum tam ah khan sa leh ral laka him chu an nun a thilpawimawh hmasa a nih vangin 'Pasaltha' ngaihsan nachang an lo hre tawh a. Pasaltha chu a pumpui tanghma atan fing leh chak bik mi filawr ni satliah lo in khua leh tui te himna thlentu, a thenawm khawveng ten a zar an zo thin a ni.  Chutiang mi chu ngaihsan nachang hriain, tuipuiral tawng tak a 'social recognition' pek nachang an lo hre daih tawh. Chu chu Charles Taylor pian hma kum tam a ni

Mumal taka an inawp a an inenkawlna atan Lal neiin lal kaihhruaina hnuaiah rorel dan phung fel tak an nei a. A hunlaia an eizawnna ber chu lo neih a ni. Lalin awmze nei taka ram a theh a. A thar tam thei tur deuh hnenah a tha deuh a theh a, chuta a thar tam chuan chhiah atan Lal buhzemah chhung tam bikin chu buh chu pachhia leh mamawh zawkin an banphaka dah a ni thin. Hei hi Karl Marx pian hma kum tam fe a an chin tawh tho a ni. Hriamhrei chu an damkhawchhuahna leh ei bar dehchhuahna pawimawh a nih vangin 'thirdeng' khan ei bar dekchhuak turin hun a neilo tih an hrechiang a a chanvo tur chhiah fel takin sa leh buhfai a dawng thung.

Hnam mawl tia an sawi thin kan pipu te khan khatih laia an nunna hnar pakhat, tuikhur tibal lo tura inzirtirna fel tak an lo nei daih tawh a. Tuihna leh ramngaw inlaichinna kha keini aia chiang in an hria emaw tih tur khawpa felin an enkawl thin.

Chemtum leh a dawt a zen hnawh muk chawp silai nen an ram chin chu lu chhum ban chhum huamin an venghim a.

Chutah mingo ho in kan ram leilung an rawn rap a, 'mawl' leh 'bal' min ti em em a. 'Hmasawnna' hming puin  leilung leh khuarel tichereu in kan mausam thung a.

Comments

Post a Comment

Popular posts from this blog

NULA NARAN

By -
Image
  -   Ruata Royte https://ruataroyte.blogspot.com/ Assam lam nen hetiang taka boruak sosang kan hneih hma fe atang tawh khan Assam khawpui lian leh laili Guwahati ah khuan Mizo zirlai, ‘nula naran’ pakhat a awm a. Mizoram House ah khuan I chuangkai thin a nih chuan amah hrelo mah la amah erawh I hmu tawh ngei ang. Mizoram atangin damlo inentir tur chin hrelo leh tawng thiamlo a liam thla engemawzat an awm thin a. Tlawmngaih chhuahin a hna tul te thulhin a hmalam hun thapin phai khaw lumah hnamdang karah chuan damlo mangang tak tak te chu a theih ang angin a lo pui mai thin. ‘I chhungte em ni?’ ti a an zawh chuan ‘Ni love, zirlai ka nia, pui an ngai a ka pui a nih hi’ a ti mai thin. Chu nula naran chu Guwahati khawpui lian a damdawi-in hrang hrang a thawk te chuan vawi duai lo an hmuh takah chuan a inpekna chu an namnul thei lova. Midang tan chutiang taka inpe Mizo ‘nula naran’ avang chuan Mizo damlo te chu duhsak takah an nei a. Mizo damlo te chuan en hmasak leh a man tlawm a enkawl an
Read more

Kha tlangval vanduai kha

By -
Zan dang ang lo takin khawlai chu a reh duk a, tlangval dawrawm lam, pawr deuh fap hi kun deuh ngai hian a rawn pai phei deuh chhak chhak a. Lamlian hrul a mi bathlar eng lai a thleng vel chiah tih chuan lirthei thar nalh ver vawr, a hma darthlalang a engemaw intar hi a rawn tlan phei a, chu tlangval zawn a thlen chuan a ding deuh hrawk a. Chu lirthei atang chuan pa pakhat, la valai tak, inchei fai thlerh thlawrh, nghawngawrh awrh vang mai hi rang fahran hian a rawn chhuak a. A ban chu a han lek uaih a, chu tlangval chu a vai thal tawp mai ang a tih tur khawp a khawng hian a han lek fua a, ral atang chuan ka lo au chhuak lo chauh a. Chutiang a kut a thlak dawn emaw ka tih mek lai chuan chung lamah sang takin a ban a phar a, zawi te te hian an titi dun mawlh mawlh a, an tawngtai ni ngei hian a hriat a. Beng han dawh uluk deuh a han thlir uluk deuh bawk chuan tawngtai ni chiahlo hian thil engemaw chhampual vel hi an ni ta zawkin ka hria a. Lirthei atanga lo chhuak zawk chuan a ban phar c
Read more

HUN, PAWISA, HLUTNA LEH DUHTHLANNA

By -
Bill Gates hian $100 thlauh ta se a chhar hmanlo! I rilrua zawhna lo lang nghal chu engatinge tih hi a ni ngei ang. A chhanna awlsam te chu Bill Gates a sum neih hlutna atanga chhutin second khat chhung hian $114 vel a thawkchhuak a, $100 chhar turin hun a neilo a ni. $100 chhar ai chuan a hna thawh lai thawh mawp mawp chu a thlanawmin a hlawk zawk tihna a ni. He thil atang hian thil thenkhat ngaihtuah zui tur kan nei a chu chu ‘hun’ leh ‘pawisa’ chungchang hi a ni. Pawisa hian amah ngau ngau hian hlutna a nei lo a, thil dang tangkai zawk ka kan thleng theihna hi a hlutna chu a ni. Hei hi helam kawnga mi thiam tak tak pawhin ‘exchange value’ ti a an lo sawi thin nen a inzul viau awm e. Zan khat chu Ramenga chuan nula a rim a, veng hla taka nula rim a nih avangin a haw na tur chu a hla em em a, haw lamah ke in a kal peih tawhlo hle mai a. A wallet ang huau khawpin Rs 2000 note a ah bakah a account ah pawisa liam zawih zawih khawpa tam nei mah se chu chuan zan rei tlangah chuan a hruai h
Read more