Dr. Che Guevara nghilh loh nan

By -


October 9,1967 ah kah hliam leh man a nih hnuah tihhlum a nih dawn darkar ah pawh khan thildang teh vak tilo in Bolivia ah an manna hmuna sikul pakhat a an zirtirtu Julia Cortez chu  tlawh a dil a. Cortez hnenah an sikul chu  naupang zirna hmun atan a pachhiatzia leh chutih laiin ram hruaitute chuan an nawm makin lirthei changkang ber ber a an chuang si  te chu veiawm a tih thu  khunkhan takin a la sawipui a nih kha.


Medical Science Graduate val, Argentine mi, Che Guevara hi zirlai a nih laiin a thirsakawrah meitha khawl te vuaha a zinkual naah South America vel ah Capitalist kalphung politics chhe tak, a thei fa ten a theilo te an rah beh tlawk tlawkna a han hmuh chuan a tha a na em em a, an kalphung siamtha a, a thei fa ten a theilo te an rahbehna leh chutiang kalphung anmahni pumpui tanghma chauh ngaihtuahna avanga mirethei te tawrhna chu en liam theilo in a bei ta a ni.


Pa lehkha chhiar zau khawkheng, philosophy thuk ber ber leh poetry un ber ber te  hneh taka ching a, a duh zualpui vawng hial thin, Medical Doctor ( Physician) a ni a. Amah tukdal tum a hmanhlel, politics thli chhia hmanrua a hmangtute uisathiam, CIA te  pawhin Latin fa hrin zingah chuan mi inchhiarzau leh thluak tha chungchuang tia an sawi mi hrat khawkheng hian a pumpui tanghma chauh ngaihtuah nise a mutbu daiah a chhungte kiangah lungmuangin  nupui fanau te uapin pindan chhunglumah  a tui tha tha eiin nuam a tawl thei ngei ang.


Chu chu a hringnun hrilhfiah bu in 'dam chhan' a hrilhfiah dan a ni ve si lo...

A thih hma mai thla khat vel la awmah khan  amah ngeiin,

"Thihna te hian min nuaiin min barakhaih dawn mah se, lawm takin i pawm ang u...Kan beihna hian tuemaw beng a thlen phah dawn a, kan ralthuamte hi tuemaw hnena kan hlanchhawn theihna tur a nih chhung chu" tiin rahbeha awm te tana a beihna ah chuan a tan ' thih pawh hlawkna' ah a ruat zawk a ni.


Kalphung diklo beitu leh seltute hi chu kalphung avanga a  fawng chelhtute leh a bet lo lam leh a hlawkna teltu te tan chuan 'terrorist' ang hial a chhuah an ni a. A bet a te, an dinsak a, rawl an chhuahsak te tan erawh 'freedom fighter' an ni thung si. Vawiin a kan kalphung te, politics mai bakah kan kohhran leh khawtlang huang chhung ngei te pawh mahni inenlet fo na atan hman a pawimawh hle.

Silai aiah ziakfung chawiin revolution i thlen ang u.

"If you tremble with indignation at every injustice then you are a comrade of mine"

-Ernesto Che Guevara

Comments

Post a Comment

Popular posts from this blog

Open letter to nangmah

By -
Duhtak nangmah, Heti hian i ngaihtuah tawh ngai em ? Kha ti  ve tawp a i awm a, beidawn chhan tur hre bik miah lo a i lo dam ve zel khan mi tuemaw chuan dam hi a zuam phah mai ni lovin hringnun hi beidawnsan a, bansan chhan tur a hriat bik loh phah asin. Mi tuemaw tan chuan i tangkai a, i thawhhlawk zia hi ngaihtuah teh.  Heti zawng hian i ngaihtuah ngai lo mai mai a ni.Vantlang puipunna hmunah dawhsana ding a, parthi awrhtir i nihloh vang emaw, khawi lai  intihsiakna ah emaw i hming chu  a hmasa zingah emaw  ziak a nih ve loh vang ngawt khan tangkaina neilo leh tawmkailo i ni lo asin. Heti zawng hian i ngaihtuah ngailo mai mai a ni.  Hman a tlangval huaisen, tui tla chhanchhuaktu, mi huaisen  chawimawina  an pek ai khan i nep bik miah lo. I lo dam ve tawp khan tuemaw tan dam hi i tizuamawm asin. I zarah mi tuemaw chu a dam mai a nilo, a nung hial asin! Dawhsanah dingin parthi i awrh lo a, mi in i pualin kut an beng lo mai chauh a ni. Mi tuemaw ta...
Read more

I hna kha i tlin lo a ni tiraw?

By -
Kan zirtirtu i ni a, sikul kawt a zirlai intlar thap endiktu zirtirtu dang zingah khan i tel thin a. Tum vang reng nilo in a chang chuan lu a lo buk deuh chang te, a duh fir deuh chuan a 'punk' an tih tur te kha a nih chang a awm ve thin a.  Kan tluk leh tlak hun an chang a, an chan chhuah tum chuan an lawm em em emawni tih tur khawp a rorelna talhfiak lek chak thenkhat an awm lai khan nang chuan min man a min hrem ngawr ngawr kha i tum ve lova. Chutiang hunah chuan hai derin tawngkam tha khan zawi te in min kal pel pahin, 'i dinna ah hian ka ding ve tawh thin asin' ti hmel pu tak hian dam takin min lo hrilh thin. Tehfung ziding atang chuan i hna kha i tlin mawlh lo! Nun kawng chhuk chho i zawhna tinreng atang khan hringnun hi i lo zir bik a. Hringnun leilawta i pil vang vang na atang khan nang chuan midang hriatthiamna leh khawngaihna thiltihtheihna te hi i lo zir daih tawh a. Keini naupang lungmawl bulah khatiang taka ril leh thuk kha i lo tuh tawh bik a ni. Mi chuan ...
Read more

HMEICHHE CHUNGA HLEILENNA (DOMESTIC VIOLENCE) LEH DAN : A THEN CHAUH

By -
  Dan hi chi hrang hrang a awm angin hmeichhe chunga hleilenna kaihhnawih pawh hi dan mal chauhin a thunun leh khawih a ni lova. Dan hrang hrang tlawhchhana thubuai awrh theihna leh hmalak theih a ni a.  Tun tumah chuan Protection of Women from Domestic Violence Act, 2005 ( Domestic Violence Act emaw DV Act tiin awlsam zawnga sawi mai thin) hi kan thlur bik dawn a ni. Nupa emaw chhungkaw inkar nghawng thil a nih vangin a dan hian pawikhawihtu hrem ngawr ngawr ai mahin a tuartu tawrhna sutkian emaw a tuartu in pawi nasa zawk a tawh hma a venhim te, pawikhawihtu laka thununna rang taka lek te a tinzawn avangin chhungkaw kaihhnawih thil chinfelna dan tangkai tak a ni. Domestic Violence kan tih chuan hmeichhe laka hleilenna chungchang niin hmeichhia tupawhin a chenpui te lak a a tawrh hrang hrang he’ng a hnuaia mi te hi a huam a ni  : Taksa emaw rilru tihnat, tihbawrhban te, hmeichhe hriselna leh himna tihderthawn te hi a huam vek a, chu mai bakah chutiang a thlen hma hauh pa...
Read more